Samarqand tumani maktabgacha va maktab ta’limi bo‘limi tasarrufida 53 ta maktab, 43 ta davlat maktabgacha ta’lim tashkilotlari, 1 ta “Barkamol avlod” bolalar maktabi 9 ta davlat xususiy sherikchilik asosida , 7 ta xususiy, 136 ta oilaviy nodavlat MTT faoliyat ko‘rsatmoqda. 2023-yilda Investitsiya davlat dasturi asosida 2 ta umumta’lim maktablarida, 3 ta maktabgacha ta’lim tashkilotlarida qurilish ishlari, jumladan, tumanning “Xo‘ja Ahrori Vali” mahallasida joylashgan 10-maktabda 780 o‘rinli qo‘shimcha bino, “Arabxona” mahallasida joylashgan 9-maktabda 300 o‘rinli yangi qo‘shimcha o‘quv binosi, “Ohalik” mahallasida joylashgan 6-sonli DMTT da 120 yangi qo‘shimcha bino, “Talibarzu” mahallasida joylashgan 26-sonli DMTT da 120 yangi bino, “Angaralmos” mahallasida joylashgan 27-sonli DMTT da 120 yangi binolar qurib foydalanishga topshirildi. Shuningdek, saxovatpesha homiylar tomonidan 23-umumta’lim maktabda yangi 6 ta sinfxonalari qurildi, 40-umumta’lim maktab binosining eski derazalari o‘rniga yangi zamonaviy deraza romlari o‘rnatildi, 33-maktabda 2 ta sport zal, faollar zali, oshxona, 4 ta sinfxona va binoning ichki yo‘laklari, 39-maktabning 8 ta sinfxonalardan iborat o‘quv binosi va ichki yo‘laklari mukammal ta’mirlanib jihozlandi.