Maktabgacha ta’lim tizimi uzluksiz ta’limning birlamchi, eng asosiy bo‘g‘ini hisoblanadi. Mutaxassislarning fikricha, inson o‘z umri davomida oladigan barcha axborot va ma’lumotning 70 foizini 7 yoshgacha bo‘lgan davrda oladi. Ana shu dalilning o‘zi bolalarning yetuk va barkamol shaxs bo‘lib voyaga yetishida bog‘cha tarbiyasi qanchalik katta ahamiyatga ega ekanini yaqqol ko‘rsatib turibdi. Maktabgacha ta’lim tizimida ta’lim-tarbiya ishlari ma’lum mezonlarga asoslangan. Xususan, yurtimizda barcha bog‘chalarda “Ilk qadam” davlat dasturi asosida ta’lim-tarbiya beriladi. Dasturning mazmun-mohiyati, maqsad-muddaosi esa nihoyatla salmoqli va dolzarb.
Samarqandda maktabgacha ta’lim tashkilotlari direktorlari uchun “Ilk qadam” davlat o‘quv dasturi asosida rivojlantiruvchi muhitni tashkil etishda yangi yondoshuvlar" mavzusida seminar-trening o‘tkazildi.
Seminarda MTT rahbarining rivojlantiruvchi muhitni rejalashtirishdagi vazifasi va o‘rni, Maktabgacha yoshdagi bolalarga ta’lim-tarbiya berish texnologiyalarini qo‘llash borasida Maktabgacha ta’lim agentligi mus’ullarining ma’ruzalari tinglandi. Seminar ertaga ham o‘z ishini davom ettiradi.

Samarqand viloyati Maktabgacha va maktab ta’limi boshqarmasi axborot xizmati